5 დეკემბერს თბილისში Move Summit 2026 გაიმართება
5 დეკემბერს, Pullman Tbilisi Axis Towers-ში, 350 დელეგატი, 12 სპიკერი და ორი პანელური დისკუსია ერთ სივრცეში შეიკრიბება.
თბილისი, საქართველო, 2026 წლის 19 ოქტომბერი. ტრენერთა ასოციაცია აცხადებს Move Summit 2026-ის გამართვას. სფეროს ლიდერების შეხვედრა 2026 წლის 5 დეკემბერს, შაბათს, 11:00-დან 16:00 საათამდე, თბილისში, Pullman Tbilisi Axis Towers-ში გაიმართება. სამიტი კომპანიების დამფუძნებლებს, CEO-ებს, HR და L&D ხელმძღვანელებს, გუნდის ლიდერებს, ბიზნეს ტრენერებსა და კონსულტანტებს პრაქტიკული გამოცდილების გაცვლისა და ახალი პარტნიორობების დასამყარებლად გააერთიანებს.
სამიტის მთავარი კითხვაა: რა ამოძრავებს ბრენდებს, რომ იყვნენ თავიანთი სფეროს ლიდერები? ღონისძიების ფოკუსი თეორიულ ცოდნაზე კი არა, პრაქტიკაში დანერგილ მიდგომებსა და რეალურ შედეგებზეა.
ძირითადი ფაქტები
- 350 დელეგატი: დამფუძნებლები, CEO-ები, HR და L&D ხელმძღვანელები, გუნდის ლიდერები, ბიზნეს ტრენერები და კონსულტანტები;
- 12 სპიკერი სხვადასხვა სექტორიდან;
- ორი პანელური დისკუსია მოდერატორის მონაწილეობით;
- Networking Spot: 12 კომპანიის სტენდი და პირდაპირი კონტაქტი დელეგატებთან.
სპიკერები
სცენაზე გამოვლენ სხვადასხვა სექტორის წამყვანი სპეციალისტები და ლიდერები. თითოეული გაიზიარებს კონკრეტულ გამოცდილებას: რა სიტუაციაში იმყოფებოდა, რა გადაწყვეტილება მიიღო და რა შედეგს მიაღწია.
ორი პანელური დისკუსია
პროგრამის მთავარი ნაწილი ორ პანელურ დისკუსიას ეთმობა, რომლებსაც მოდერატორი წარმართავს:
ქალი ლიდერები: გავლენა, გამოცდილება და ლიდერობა, რომელიც ორგანიზაციებს ამოძრავებს.
მოდერატორი: ანა არველაძეტექნოლოგიები და ხელოვნური ინტელექტი: როგორ ცვლის მომავალი ბიზნესს, გუნდებსა და სამუშაო პროცესებს.
Networking Spot
სამიტზე იმუშავებს სპეციალური სივრცე Networking Spot, სადაც სხვადასხვა სფეროს 12 კომპანიას საკუთარი სტენდი ექნება. დელეგატები უშუალოდ შეხვდებიან კომპანიების წარმომადგენლებს, გაეცნობიან მათ საქმიანობას, გაცვლიან საკონტაქტო ინფორმაციას და დაიწყებენ თანამშრომლობას.
პრაქტიკული დეტალები
თარიღი და დრო: 2026 წლის 5 დეკემბერი, შაბათი, 11:00–16:00. დღე იწყება რეგისტრაციითა და Welcome Coffee-ით.
ადგილი: Pullman Tbilisi Axis Towers, თბილისი (რუკაზე).
რეგისტრაცია: რეგისტრაცია განაცხადით ხდება ოფიციალურ ვებგვერდზე movesummit.ge.
ტრენერთა ასოციაციის შესახებ
ტრენერთა ასოციაცია საქართველოს პირველი ტრენერთა გაერთიანებაა და 2019 წლიდან მოქმედებს. ასოციაცია ხელს უწყობს ტრენერებისა და ბიზნეს-პროფესიონალების განვითარებას, გამოცდილების გაზიარებასა და ურთიერთდაკავშირებას.
← მთავარ გვერდზე